APEHL

II Congreso Gastronómico e Cultural …E para comer, Lugo no Camiño


12.04.2021. A Asociación Provincial de Empresarios de Hostalería e Turismo de Lugo (Apehl) celebrará por segundo ano consecutivo o Congreso Gastronómico e Cultural …E para comer, Lugo no Camiño, unha xornada sobre a cultura gastronómica dos Camiños de Santiago ao seu paso pola provincia de Lugo que terá lugar no Museo Interactivo da Historia de Lugo o vindeiro 29 de maio. Esta iniciativa forma parte do programa O teu Xacobeo da Xunta de Galicia.

O programa do Congreso conta xa con unha charla sobre a cultura do viño nos Camiños de Santiago que atravesan a provincia, que será impartida por Xoan Cannas, director do Instituto Galego do Viño; unha demostración do barista José Manuel Portela, responsable de formación de Cafés Candelas; un obradoiro para nenos, e varias demostracións de cociña con produtos de proximidade a cargo de Javier Estévez, Estrella Michelín en 2019 pola súa labor en La Tasquería de Javi Estévez, en 2020 e en 2021 e cuxas orixinais propostas culinarias teñen suscitado xa o interese de medios como The New York Times e de programas de televisión como Informe Semanal, Torres en la cocinaMasterChefKarlos Arguiñano en tu cocinaAndrew Zimmern ou a sección de George Foreman en Better late than never.

CATAS …E PARA COMER, LUGO NO CAMIÑO

Como introdución ao Congreso, terán lugar as Catas …E para comer, Lugo no Camiño, que serán impartidas polo Instituto Galego do Viño en tres localizacións da provincia: Portomarín, o día 21 de abril; Quiroga, o 28 de abril, e Lourenzá, o 5 de maio.

O evento dará comezo así xa o vindeiro mércores 21 de abril coa primeira das catas, que terá lugar no establecemento O mirador (Rúa do Peregrino), en Portomarín, de 16:30 a 19:00  horas.

Aqueles que queiran participar nesta iniciativa, cuxas prazas son limitadas para cubrir coas limitacións de aforo, débense inscribir a través do teléfono da Apehl 982 22 69 12 ou cubrindo o seguinte formulario.

 

A reserva de prazas non será firme ata que reciban confirmación a través de correo electrónico.

 



ou Voltar ós cursos