APEHL

Finaliza o curso de cosmética natural da Asociación Española contra o Cancro, impartido nas instalacións da Apehl

11.05.2023. No día de onte clausurouse o curso de estética natural, organizado pola Asociación Española contra o Cancro de Monforte de Lemos. A delegación da zona sur da Asociación Provincial de Empresarios de Hostalería e Turismo de Lugo (Apehl) colaborou nesta iniciativa ao ofrecer as súas instalacións para levar a cabo esta formación, a cal estaba indicada para enfermos de cancro e centrada tanto no tratamento como na prevención da enfermidade.

María Balado, experta no tema, foi a encargada de impartir o curso cada mércores pola tarde durante un mes completo. Así, na última sesión, cada usuaria foi obsequiada cunha planta, que xa se converte nun signo de identidade da asociación.