A Asociación Provincial de Empresarios de Hostalería e Turismo de Lugo (Apehl), tras contactar con distintos establecementos de aloxamento da provincia de Lugo, adianta as previsións de ocupación para esta ponte festiva en Galicia, con motivo do 25 de xullo.
Aseguran que a media de ocupación na provincia durante a primeira quincena de xullo rondou o 70 %: 60 % na Mariña, 67 % en Lugo Centro e 83 % na Ribeira Sacra. A maioría do turismo tivo procedencia nacional, sobre todo de Galicia e Madrid.
Para estes días festivos, ata o vindeiro luns, as previsións chegan na Ribeira Sacra ata o 95 %, na Mariña, ata o 75 % ou 80 %, e en Lugo, aproxímanse ao 60 %.
Desde Apehl destacan que a ocupación na segunda quincena de xullo se presenta mellor que na pasada e que as reservas seguen chegando máis ben a última hora.
