11.04.2022. Tras rematar o prazo de reclamación do premio co primeiro número tomado como referencia o pasado venres 8 de abril, a delegación da zona sur da Asociación de Empresarios de Hostalería e Turismo de Lugo (Apehl) comunica que o novo número de referencia para comprobar a rifa premiada co porco de 100 kg da Devesa dos Formigueiros (Asociación Prodeme) é o 76.221, premiado no sorteo da ONCE deste sábado 9 de abril.
A papeleta premiada debe ter as últimas catro cifras iguais ás deste número: 76.221.
A persoa afortunada debe poñerse en contacto coa delegación a través do teléfono 982 41 20 50.
En caso de non aparecer o afortunado antes do venres 15 de abril, tomarase como última referencia o sorteo da ONCE do sábado 16 de abril.
